स्वच्छतेची शपथ!

दिनांक: २ ऑक्टोबर, २०१७

आज गांधी जयंतीच्या निमित्ताने बालरंजन केंद्रात एका विशेष कार्यक्रमाचे आयोजन करण्यात आले होते.सौ. अंजली तापडिया यांनी यावेळी, गीता परिवार निर्मित ” स्वच्छता ” या विषयावरील एक फिल्म दाखवून मुले व पालकांशी संवाद साधला.अंजलीताई म्हणाल्या ,” गंदगी फैलानेवाले हाथ अनगिनत होते है लेकीन स्वच्छता करनेवाले हाथ बहुत कम है ” असे सांगून त्यांनी मुलांना स्वच्छतेच्या कामी पुढाकार घेण्याचे आवाहन केले.”आदते ऐसी होनी चाहिये जो दुसरोंको तकलिफ ना पहुन्चाये” असे त्या म्हणाल्या . सवय ही वयाबरोबर पक्की होत जाते त्यासाठी चांगल्या सवयी बालपणीच लागणे गरजेचे आहे असे त्यांनी पालकांना सांगितले. 

बालरंजन केंद्राच्या संचालिका सौ.माधुरी सहस्रबुद्धे यांनी मुले व पालकांना ” स्वच्छतेची शपथ ” दिली.ही मुलेच आपल्या प्रभागातील भावी नागरिक आहेत. त्यांना” स्वच्छ भारत अभियानाचे ” महत्व पटले तर आपला प्रभाग भविष्यातही ” सुंदर व हरित ” म्हणून अग्रेसर राहील” असे  माधुरीताई म्हणाल्या . उपस्थित सर्वांनी मा.पंतप्रधान नरेंद्र मोदी यांच्या स्वच्छ भारत अभियानात सामील होऊन माधुरीताईंनी दिलेल्या शपथेनुसार वर्तन करण्याचा निर्धार व्यक्त केला.